Strategjit e një njeriu manipulues.

Të nderuar lexues.

Sonte, duke shikuar nje filëm që thuhej se ishte ngjarje e vërtetë, edhe më bëri që të hapi një temë të tillë,....Si njihet një person dredharak apo mashtrues dhe më kryesorja, si mund të mbrohemi prej tij?
Nuk ka rëndësi nëse është njeriu që dashuron ose miqtë. E rëndësishme është të jemi të kujdesëshëm!!

Ju ka ndodhur ndonjëherë të mendoni gjatë për një thënje të shëmtuar që ju kanë thënë dikush? Ndoshta e pyesni veten se përse i shpëtoi goja personit që ju kishit besim, ose përpiqeni të kuptoni se cili ishte qëllimi i tij, donte të ju lëndonte apo po bënte shaka?

Është e kotë të shtiremi sikur nuk ka ndodhur gjë dhe të vazhdojmë të mendojmë, sepse tashmë është shumë vonë.
Me këtë proces mendor shfaqet edhe dyshimi, se në të vërtet edhe çfarë dëshiron ky person nga unë?...

Po të mendoheni mirë, do të kujtoni se ai njeri ju bënte të ndiheshit pa energji. T‘i njihte pikat e dobëta dhe kapej pas tyre si marimanga në rrjetën e saj. Që dredhia të jetë efektive, duhet të jenë "dy bashkëpunëtorë" i manipuluari dhe manipuluesi. Është një histori e shëmtuar apo jo?...Mund ta krahasojmë sikur ne filmin me "Drakula" ku vampiri thith gjakun, ndërsa viktima përpiqet ta ndalojë.
Kështu edhe ky personi ju thith të gjithë besimin dhe energjinë e juaj, duke ju lënë të pambrojtur.
Keni probleme me braktisjen, çështje të lëna pezull me personat që ju rrethojnë? Pikërisht aty do të ju godasë, duke i ngulur edhe më shumë dhëmbët e tij. Do përpiqet t‘iu bëjë të dyshoni për perceptimet, kapacietet e juaja,... Qëllimi i tij është të rrëzojë bindjet e juaja dhe tani ketu kemi te bejm edhe me dhunë psikologjike.

Dhuna psikologjike ka shumë fytyra,... Shfaqet me fjalë therëse, shantazhe, indiferencë emocionale, çorientim etj, etj.
Nëse në një çift, njëri prej partnerëve përdor fuqinë e lidhjes për t‘i bërë keq tjetrit, nuk është as dashuri dhe as miqësi, por mashtrim marrëdhënie jofunksionale dhe përdorim i tepruar i pushtetit.
Ka nga ata që duan të dominojnë, të kenë pushtet mbi tjetrin. Ndoshta akuzat dhe përçmimi të bëjnë të ndihesh e pafuqishme. Ndoshta bën gjithçka në një herë të vetme dhe hiqet si viktimë e pafuqishme, që ti të mos i kuptosh dredhitë e tij apo të asaj. E bën gjithçka për të të lënduar, sepse viktima je ti. Kufiri mes viktimës dhe xhelatit është i ndryshueshëm, por që shpesh vendoset nga një miratim i juaj ku duhet të meren vendime te prera.

Me nderime, Lilly.