Dhuratat më të veçanta për Shën Valentin

Kullerka Fri Feb 13, 2009 4:44 pm

Dhuratat më të veçanta për Shën Valentin
Katërmbëdhjetë shkurti shënon ditën zyrtare të dashurisë. Legjenda e ditës së romancës i ka rrënjët në legjenda të ndryshme që kanë mbijetuar në epoka. Por sot kjo festë nuk do të kishte kuptim pa dhuratat dhe mesazhet e dashurisë. Rastet për dhurata janë pa fund gjatë gjithë vitit, prandaj kjo ditë kërkon një të veçantë, të pamenduar nga askush më parë. Një ide do të ishte të stamponit diçka, një veshje apo një jastëk me foton tuaj. Çfarë do të të dhuroni, mos harroni lulet. 50 milionë trëndafila dhurohen vetëm për 14 shkurt në të gjithë botën dhe një miliardë kartolina vetëm në SHBA.
Telekomanda që kontrollon meshkujt
Kjo telekomandë enkas për femrat do tregojë se kush e vesh fundin në marrëdhënien tuaj. Shpesh e kaloni ditën me zënka, humbni zërin nga të bërtiturat dhe ai prapë nuk merr vesh. Telekomanda është e pajisur me butona ku kërkoni puthje, t’ju sjellin ushqim dhe t’ju bëjnë komplimente.
Mini frigorifer me USB
Ndonjëherë doni një pije të ftohtë, por nuk doni të ngriheni nga kompjuteri për ta marrë. Zgjidhja është frigoriferi i vogël që punon duke u lidhur me trurin me anë të USB-së. Kur vini fishen frigoriferi ftoh si çdo frigorifer normal.
Postera të personalizuar
Posterat e personalizuar janë mënyra më e mirë për ta mbushur murin me diçka romantike. Mbi to mund të shkruani mesazhin e preferuar mbi foton tuaj apo të parterit. Ato do t’ju kujtojnë jetën e bukur së bashku dhe do ta bëni gjumin e qetë pasi do të jetë e fundit pamje që do të shihni në mbrëmje dhe e para në mëngjes. Foto mund të përdoret edhe në desktop.
Letra bixhozi prej hekuri
Pesëdhjetë e katër letrat janë gdhendur mbi çelik për një pamje të fortë. Letrat gjithashtu janë të pajisura edhe me një kuti mbrojtëse. Nëse kërkoni dhuratën më afatgjatë të mundshme, letrat prej çeliku janë të përsosura.
Emëroni një yll me emrin që doni
Përjetësojeni dashurinë tuaj duke ua vënë emrin dy yjeve të afërt vetëm për 30 paund. Qielli nuk do jetë më i njëjti; mjafton të ngrini sytë lart dhe të dini se diku yjet tuaj kanë kapur duart dhe po shndërrojnë për ju dhe të dashurit tuaj.
Kompleti i thikave zvicerane
Ndoshta është një prej artikujve më të pazakontë që keni parë në jetën tuaj, por ky komplet thikash ka 87 mjete të ndryshme që mbulojnë 112 funksione. Për fat të keq kushton 1 mijë dollarë, por gjithsesi më pak se ato individuale.
Arush me mesazhin tuaj
Dhuratat për t’u përfaqur janë idealet për çdo rast. Qoftë për ditëlindje, Krishtlindje apo Shën Valentin. Zgjidhni mesazhin e preferuar dhe shkoni dhe stampojeni mbi veshjen e kukullës. Askush nuk do t’ju rezistojë pas kësaj.
Një elefant për një person të dashur
Kjo është një tjetër dhuratë e pazakontë për ditën e Shën Valentinit. Ndryshe nga vendet e tjera në Shqipëri askujt nuk i ka shkuar në mend. Përse të mos jini ju të parët t’i dhuroni partnerit/partneres suaj një elefant. Nëse s’mund ta blini mjafton ta merrni për një ditë me qera.
Blini një copë Hënë për 20 paund
Rrezikoni me guxim të bëni atë që askush tjetër s’e ka bërë. Dedikojani një akër hëne “kozmonautes” së preferuar. Kjo dhuratë e veçantë ju pajis me certifikatën e blerjes dhe koordinatat për të gjetur ngastrën, hartën e hënës dhe mjete astrologjie.

5 rregulla për të kaluar një Shën Valentin perfekt

Dhe mbi të gjitha për t’u organizuar në mënyrë të tillë që të mos e kaloni vetëm, nëse deri më sot jeni akoma beqarë.
1 - Dihet që mbrëmjen e Shën Valentinit, të gjesh një tavolinë të lirë në restorant është pothuajse e pamundur, nëse do të keni një partner dhe dëshironi të dilni me të për një mbrëmje romantike, mendohuni në kohë dhe mbi të gjitha, nëse doni të festoni në mënyrë romantike dhe të qetë një këshillë: bëjeni një ditë përpara, do ta keni restorantin të gjithin në dispozicionin tuaj.
2 - Nëse ideja juaj për mbrëmjen e Shën Valentinit është një darkë romantike në apartamentin tuaj studioni me imtësi menynë dhe gjeografinë e tavolinës: menynë provojeni që një ditë më parë për të mos rrezikuar që të prishni mbrëmjen me ndonjë ushqim të gatuar keq dhe zgjidhni një ngjyrë, të kuqen për shembull, i cili do të jetë lajtmotivi i tavolinës dhe i shtëpisë (për shembull shumë qirinj të përhapur nëpër shtëpi, do të krijojnë atmosferën e duhur).
3 - Për femrat e martuara apo të fejuara prej kohësh, të cilat nuk e kujtojnë më domethënien e fjalës romanticizëm, kjo festë mund të rifreskojë kujtesën e tyre dhe të partnerit që kanë në krah. Nuk ka rëndësi nëse jeni pak a shumë të rinj, mund të jetë preteksti për të recituar pjesën e të dashuruarve dhe dihet, nga fantazia shpesh kalohet në realitet.
4 - Për beqarët: thërrisni mikeshat tuaja dhe prenotoni një tavolinë në restorant për një darkë me to, natën e Shën Valentinit restoranti do të jetë i mbushur plot me meshkuj, me partneret e tyre, nuk ju pengon asgjë që të hidhni një sy rreth e rrotull apo për ato më të hedhurat të lëshojnë grepin.
5 - Nëse festa e të dashuruarve nuk bën për ju, pasi sapo jeni ndarë, nuk ka rëndësi, fiksoni një takim për një masazh apo për parukieren, më 14 shkurt. Festojeni vetë festën dhe mësoni të jeni më e dashuruar me veten.
Filli i dashurisë
Si një fill lidhës është një zëmër e vogël e kuqe, zëmra e të dashuruarve.
Dhurojini partnerit tuaj një orë. Një i pasionuar i ngjarjeve të Luftës së Dytë Botërorë apo të kinemasë do të këtë parasysh zhytjet spektakolare me orët kundra ujit. Sot ato janë sofistikuar shumë, dukë rezistuar deri në 200 metra thellësi. Një orë sportivë dhe elegante njëkohësisht. Nëse ai është një i apasionuar pas muzikës, teknologjisë dhe motorëve, bëjini dhuratë një kasetofon dixhital: nuk do t’i besojë jo vetëm syve, por as veshëve! Nëse dashuroni një mashkull, i cili është gjithnjë në udhëtim për punë, bëjani transferimin më të lehtë, dukë i dhuruar një çantë pune me lëkurë dhe mikrofibër, me shumë xhepa dhe hapësirë. Natyrisht zgjidhni një ngjyrë të bukur si e kuqja e pasionit!
Test i vogël i dashurisë për ditën e Shën Valentinit
Nëse dëshironi të vërtetoni se ai ju do vërtet me gjithë zemër, mjafton t’i vështroni sjelljet e tij të përditshme dhe do ta kuptoni se sa është e sinqertë dashuria e tij në përqindje. Bëjani disa pyetje vetes e disa partnerit tuaj dhe për çdo përgjigje pozitive shpërblejeni atë me nga një puthje, madje edhe nëse ai nuk e di pse:
1. Ju bën që shpesh të ndiheni se pa të jeta juaj nuk ka fare kuptim.
2. Ju thotë së paku një herë në ditë “Të dua”.
3. Nuk e anulon darkën me ju për shkak se i ka dalë ndonjë punë ndërkohë.
4. Të dielave ua përgatit ushqimin dhe ua sjell në shtrat.
5. Ka mirëkuptim dhe nuk ju vendos para aktit të kryer kur gaboni?
6. I dukeni tërheqëse dhe e bukur edhe kur zgjoheni në mëngjes?
7. Kur të fjaloseni nuk mban inat më shumë se 12 orë?
8. A ju dhuron buqeta me lule kohë pas kohe apo vetëm gjatë ditëve të veçanta?
9. Sa herë që jeni të suksesshëm në punë, a krenohet me ju apo xhelozohet në ju?
10. Pyeteni partnerin se çfarë keni pasur të veshur në ditën e takimit tuaj të parë?

Urime Shen Valentini te gjithe te dashuruarve,paqit dashuri dhe lumturi tan jeten..kete e keni nga une Kullerka
[img] Dhuratat më të veçanta për Shën Valentin I4751_SplashValentinesDayHear

Dhuratat më të veçanta për Shën Valentin I4751_SplashValentinesDayHear

[/img][i][