Edhe unë po prezentohem!!

Të nderuar forumista,miq,... Më në fund edhe unë vendosa të prezentohem në forum!!
Ndoshta do jem pak e gjatë, dhe thuhet se fjalët e tepërta, janë varfëri,... mirëpo unë prapë mendoj që ja vlenë të shkruash pakëz më shumë sepse ky forum gjithashtu i takon një bote në vete!!

Unë jam LiLxLaDy, (ku emëri im i vërtet dhe jeta reale,...nuk më pengon asgjë, mirëpo le të mbeten anonime).
Jam nga mëma Kosovë,...dhe që nga një moshë shumë e re jetoj dhe punoj,... qe shumë vite në një shtet në perendimë, që pothuajse më është bërë atdheu im i dytë!!
Megjithatë një gjë dua të them se dashuria për vendin tim është e veçantë dhe ashtu do të mbetet!!
Shqiptari mbetet gjithnjë shqiptar në shpirt!!

Interesat e mia janë paksa të gjëra dhe në shumë fusha!!
Pasioni im? -Bota e shpirtit dhe gjithçka që lidhet me të,...ndjenjat, mendimet, emocionet, manifestimet e shpirtit në forma të ndryshme qofshin ato në art, muzikë, poezi, krijime, ëndrra etj, etj,...

Nga njerëzit që nuk më njohin shifem si një "mendjemadhe" shumë e ftohët ndaj të tjerëve ( hahahah) kurse për ata që më njohin,...Është një tregim tjetër!!
Kam një sens të zhvilluar humori, (varet se në shoqërin e kujt jam),... Jam serioze kur duhet, flas pak në ambiente shoqërore, dhe ndërhyjë shpesh,... kur shof gjëra të pahijëshme si pa drejtësi apo mashtrime të ndryshme,...Dhe kjo të hap pak telashe me shumë njerëz!!

Më pëlqen të njof njerëzit dhe mendimet e tyre,...dëshiroj gjithnjë të kuptoj arsyet se pse sillen në mënyrën se si sillen apo mendojn në mënyrën se si mendojnë!!
Nga jeta kam mësuar se vetëm komunikimi është qelës i marrëveshjeve dhe neutralizimë i mos marrëveshjeve!!
Pra me pak fjalë dëshiroj të zhytem në oqeanin e pafund të shpirtit të njeriut dhe të zbuloj perlat që fshihen në të!!

Jam një adhuruese e sinqeritetit,...një dashuruese e së bukurës kudo që fshihet ajo apo ndritë!!... Gjithashtu më pëlqejnë ata njerëz që janë besnik të vetvetës, dhe nuk mashtrojnë vetën e tyre dhe të tjerët duke krijuar iluzione!!

Gjërat që mua nuk më pëlqejnë fare janë , gënjeshtrat, tradhëtit dhe njerëzit që i japin merita veti, etj,etj,...

Motoja e jetës,... Jeta është e bukur, ka plotë gjëra të bukura që presin të zbulohen dhe të shijohen,... Andaj jetoje jetën!!
Çdo minut është e shtrenjët pasi që jeta nuk kthehet më dhe do doja që çdo minut të mbetet një kujtim i mirë!!
Jeto pa cenuar lirin e tjetërit dhe shprehja e preferuar është,..."Lutja e atyre që u bëhet e padrejt është më e shpejt se era ".

Arsyeja që unë gjindem në "AlbaWebChat" dhe në "Forum", është sepse dua që të jem sa më afër popullit tim dhe sa herë që flasë, lexoj dhe shkruaj në gjuhën e ëmbël shqipe zemra më rrah dy herë më shumë

Kaq për prezantimin tim këtë herë!!


Me shumë respekt!

LiLxLaDy.